സ്വർഗ്ഗത്തിലേക്കുള്ള വാതിൽ ഇടുങ്ങിയതാണെന്നാണ് ഇന്നത്തെ തിരുവചനം. നാശത്തിലേക്കുള്ള വാതിൽ ആകട്ടെ, വിശാലമാണ്; എളുപ്പമുള്ളതും ആണ്.
ഇടുങ്ങിയ, പൊക്കവും വീതിയും കുറഞ്ഞ ഒരു വാതിലിലൂടെ പ്രവേശിക്കണം എന്നിരിക്കട്ടെ. ഓടിച്ചെന്ന് കയറാനാവില്ല, ആർക്കും. ആരായാലും,
- ഒന്ന് നിൽക്കണം, ശാന്തമായി.
- നല്ലതുപോലെ കുനിയണം.
- ശ്രമമെടുത്ത് ഞെങ്ങിഞെരുങ്ങി കയറണം.
- ചിലപ്പോൾ എവിടെയെങ്കിലും ഉരഞ്ഞ് മുറിവ് പറ്റിയെന്നും വരാം.
സ്വർഗ്ഗത്തിലേക്ക് എത്തിച്ചേരണമെങ്കിലും ഏതൊരു മനുഷ്യനും തന്റെ ആത്മീയ ജീവിതത്തിൽ ഇങ്ങനെയൊക്കെ ചെയ്തേ മതിയാകൂ.
- ചില നിയന്ത്രണങ്ങൾ
- ചില തീരുമാനങ്ങൾ
- എളിമപ്പെടലുകൾ
- ത്യാഗം ചെയ്തുള്ള പരിശ്രമങ്ങൾ
- പരാതിയില്ലാത്ത ചില വേദനകൾ
അങ്ങനെ പലതും.
എന്റെ ചങ്ങാതീ, ഭൂമിയിൽ അങ്ങനെയാണ് അനേകമനേകം വിശുദ്ധരുണ്ടായത്.
നമുക്ക് പ്രാർത്ഥിക്കാം,
ദൈവമേ, സ്വർഗ്ഗത്തിന്റെ പൗരന്മാരാണെന്ന ബോധത്തോടെ ഭൂമിയിൽ എന്നും പുണ്യവഴിയേ ചരിക്കാൻ ബലം തരണേ, ആമേൻ.
ഫാ. അജോ രാമച്ചനാട്ട്
