ഇന്ന് പന്തക്കുസ്താത്തിരുന്നാൾ..!
സെഹിയോൻ മാളികയിൽ ചരിത്രത്തിന്റെ പുതിയ ഒരു പേജ് തുറക്കുകയായിരുന്നു.
ഒരു പുതിയ തുടക്കം.
ഒരു യുഗത്തിന്റെ ആരംഭം.

മൂന്ന് വാക്കുകളിൽ പന്തക്കുസ്താത്തിരുന്നാളിന്റെ സന്ദേശം പങ്കുവയ്ക്കാൻ ശ്രമിക്കുകയാണ്.

1. പ്രകാശം
   യുഗങ്ങളായി മനുഷ്യൻ കാത്തിരുന്ന പ്രകാശമാണല്ലോ ക്രിസ്തു. തന്റെ മുപ്പത്തിമൂന്ന് വർഷത്തെ ജീവിതത്തിനുശേഷം തന്റെ പ്രകാശം നിറഞ്ഞ സാന്നിധ്യം ഭൂമിയിൽ തുടരാനാണ് പരിശുദ്ധാത്മാവിനെ അവൻ നമുക്ക് നൽകിയത്.
   എന്നോടുള്ള ചോദ്യം:-

• ആത്മാവ് നൽകുന്ന പ്രകാശത്തിൽ ഞാൻ നിത്യസൂര്യനായ ക്രിസ്തുവിനെ പിന്തുടരുന്നുണ്ടോ?

1. ജീവൻ
   പന്തക്കുസ്തായിൽ ആരംഭിക്കുന്നത് പുതിയ ഒരു ജീവനാണ്. പുതിയ ജീവിതമാണ്. അനേകർക്ക് ജീവന്റെ വൃക്ഷമാകേണ്ട സഭയാകുന്ന അമ്മയുടെ ജനനം. നോക്കൂ, ആത്മാവുള്ളിടത്ത് ജീവന്റെ സമൃദ്ധിയുണ്ട്.
   വീടുകളിൽ ആയാലും, ആരാധനാലയങ്ങളിൽ ആയാലും, ധ്യാനപ്രസംഗവേദികളിൽ ആയാലും..
   ആത്മാവ് തരുന്ന ജീവന്റെ സമൃദ്ധിയാകട്ടെ,

• പാപത്തെ ചെറുക്കാനും
• പുണ്യങ്ങളിൽ വളരാനും
• സഭാഗാത്രത്തിന്റെ വളർച്ചയ്ക്കുമാണ്
  നമ്മെ സഹായിക്കുന്നത്.
  എന്നോട് :-
• എന്റെ ഉള്ളിൽ ജീവന്റെ സമൃധിയുണ്ടോ?
• ഞാൻ എനിക്ക് ലഭിച്ച ആത്മാവിനെ ആളിക്കത്തിക്കുന്നുണ്ടോ?

1. സുഹൃത്ത്
   ഈശോ ആത്മാവിനെ നൽകാൻ ആഗ്രഹിച്ചത് നമ്മുടെ സുഹൃത്തും വഴികാട്ടിയുമായിട്ടാണ്.
   “അവൻ വരുമ്പോൾ എല്ലാ കാര്യങ്ങളും പഠിപ്പിക്കും”, “നിങ്ങളെ ഞാൻ അനാഥരായി വിടുകയില്ല” തുടങ്ങിയ വചനങ്ങൾ ഇതിനോട് ചേർത്ത് വായിക്കണം.
   എന്നോടുള്ള ചോദ്യം:-

• പരിശുദ്ധാത്മാവ് എന്റെ സുഹൃത്താണോ?
• ഞാൻ ആത്മാവിനോട് ആലോചന ചോദിക്കുന്നുണ്ടോ?
• മനസാക്ഷിയിലൂടെ ലഭിക്കുന്ന പ്രേരണനകൾക്ക് ഞാൻ പ്രാധാന്യം നൽകുന്നുണ്ടോ?

എന്റെ ചങ്ങാതീ, അവൻ നമക്ക് തന്നിട്ട് പോയ ആത്മാവിനെ എത്രത്തോളം കൂടെ കൂട്ടുന്നുവോ അത്രത്തോളം നമ്മൾ ജീവനും ഓജസ്സും ഉള്ളവരായിരിക്കും. ആത്മാവിനെ നമുക്ക് ഹൃദയത്തോട് ചേർത്ത് എന്നും സൂക്ഷിക്കാം.

ഫാ. അജോ രാമച്ചനാട്ട്