ബെദ്സെയ്ദാ കുളത്തിലെ വെള്ളം ഇളക്കിയതുപോലെ കര്ത്താവ് സഭയിലെ വെള്ളം ഇളക്കണം. എങ്കില് മാത്രമേ സഭയിലെ പ്രശ്നങ്ങള് അവസാനിക്കുകയുള്ളൂ. കര്ത്താവിന്റെ ഇടപെടല് ഇക്കാര്യത്തില് ഉണ്ടാവാന് വേണ്ടി എല്ലാവരും പ്രാര്ത്ഥിക്കണം. സീറോമലബാര്സഭ മേജര് ആര്ച്ചുബിഷപ്പ് മാര് റാഫേല് തട്ടില് പിതാവ് പറഞ്ഞു. കോതമംഗലം രൂപത നല്കിയ ഔദ്യോഗികസ്വീകരണത്തില് പങ്കെടുത്തു സന്ദേശം നല്കുകയായിരുന്നു അദ്ദേഹം.
വിശ്വാസത്തോട് വിശ്വസ്തത പുലര്ത്തിയവരാണ് കോതമംഗലം രൂപതയിലെ അംഗങ്ങള്. ഐക്യത്തിന്റെ മൂലക്കല്ലിലാണ് കോതമംഗലം രൂപത പടുത്തുയര്ത്തിയിരിക്കുന്നത്. വെളിപാടു പുസ്തകം 21 ാം അധ്യായം ഒന്നു മുതല് ഏഴുവരെ പറയുന്ന തിരുവചനഭാഗങ്ങള് കോതമംഗലം രൂപതയെ സംബന്ധിച്ച ഒരുപാടു പ്രത്യേകതകളുള്ളതാണെന്ന് എനിക്ക് തോന്നുന്നു. പുതിയ ആകാശം, പുതിയ ഭൂമി, ദൈവത്തിന്റെ കൂടാരം,…
പുതിയ ചക്രവാളം സ്വപ്നം കണ്ട ജനങ്ങളുടെ കഷ്ടപ്പാടും ഇവിടുത്തെ വൈദികരുടെ, സമര്പ്പിതരുടെ, അല്മായരുടെ ത്യാഗവും ആത്മസമര്പ്പണവും ഇതൊക്കെ പുതിയ ആകാശം സൃഷ്ടിക്കാന് കാരണമായിട്ടുണ്ട്. എറണാകുളത്തു നിന്ന് കോതമംഗലം തിരിയുമ്പോള് ഇടുക്കിഭാഗത്ത് എത്ര പള്ളികളുണ്ടായിരുന്നു? ഇടുക്കിരൂപതയ്ക്ക് നേതൃത്വം കൊടുത്ത കോതമംഗലം രൂപതയുടേത് സ്നാപകയോഹന്നാന്റെ ദൗത്യ നിര്വണമായിരുന്നു. വഴിയൊരുക്കി., മനുഷ്യരെ ഒന്നിപ്പിച്ചു.
മനുഷ്യരുടെ കണ്ണീരു തുടച്ചുമാറ്റാന് കരം കൊടുക്കാന് സന്നദ്ധമായ രൂപതയാണ് കോതമംഗലം. അതുകൊണ്ട് വെളിപാടിന്റെ പുസ്തകത്തില് പറയുന്നത് കോതമംഗലം രൂപതയെക്കുറിച്ച് സത്യമാണ്. ഒന്നിച്ചുനില്ക്കാനുള്ള വിശ്വാസികളുടെ വലിയ ത്യാഗസന്നദ്ധതയാണ് കോതമംഗലം രൂപതയുടെ ആസ്തി. ചെറുതില് നിന്ന് പടുത്തുയര്ത്താനുള്ള സന്മനോഭാവമാണ്. പിതാവായ ദൈവത്തിന്റെ ഇഷ്ടം നിറവേറ്റിയ പാരമ്പര്യത്തിന്റെ പിന്മുറക്കാരാണ് നിങ്ങള് ഓരോരുത്തരും.
സ്നേഹിക്കുന്നു, സ്നേഹിക്കുന്നുവെന്ന് പറയുന്നതല്ല ആരാണോ എന്റെ വചനം പാലിക്കുന്നത് അവരാണ് എന്നെ സ്നേഹിക്കുന്നത് എന്നാണല്ലോ തിരുവചനം പറയുന്നത്.? നമ്മുടെ വാക്കുകളും പ്രവൃത്തികളും തമ്മില് ഒരു പൊരുത്തക്കേട് നാം അനുഭവിക്കുന്നുണ്ട്. ഈ പൊരുത്തക്കേട് പരിഹരിക്കാന് നമ്മെസഹായിക്കുന്നത് പരിശുദ്ധാത്മാവാണ്. നമ്മള് ചെയ്യുന്ന എല്ലാ പ്രവൃത്തികളും പെന്തക്കുസ്തായുടെ തുടര്ച്ചയാണ്. പന്തക്കുസ്താ ഇന്നും തുടരുകയാണ്.
തട്ടില്പിതാവ് പറഞ്ഞു.
