*സീറോമലബാര്സഭയിലെ ഒരു മേജര് ആര്ക്കി എപ്പിസ്കോപ്പല് സന്യാസിനി സമൂഹമാണ് സിസ്റ്റേഴ്സ് ഓഫ് സെന്റ് മര്ത്താസ് കോണ്ഗ്രിഗേഷന് അഥവാ വി. മര്ത്തായുടെ സഹോദരിമാരുടെ സന്യാസിനി സമൂഹം
1958 മാര്ച്ച് 11 ന് പാലാ രൂപതയിലെ മൂലമറ്റം ഇടവകയിലാണ് സിസ്റ്റേഴ്സ് ഓഫ് സെന്റ് മര്ത്താസ് കോണ്ഗ്രിഗേഷന് സ്ഥാപിതമായത്. പാലാ ബിഷപ്പായിരുന്ന മാര് സെബാസ്റ്റ്യന് വയലിലും മാത്യു ജോസഫ് കളപ്പുരയിലും ചേര്ന്നാണ് ഈ സമൂഹത്തിന് രൂപം നല്കിയത്. ഈ സമൂഹത്തില് ഇന്ന് 245 സിസ്റ്റേഴ്സ് ഉണ്ട്. കേരളം, കര്ണാടക, മധ്യപ്രദേശ്, ഛത്തീസ്ഗഡ്, മഹാരാഷ്ട്ര, ഗുജറാത്ത്, പഞ്ചാബ് എന്നീ സംസ്ഥാനങ്ങളിലും ജര്മനിയിലും ഇറ്റലിയിലും ആയി 45 ശാഖാ ഭവനങ്ങളും നാല് ശുശ്രൂഷ രംഗങ്ങളും ആണുള്ളത്. ശുശ്രൂഷിക്കപ്പെടുവാനല്ല, ശുശ്രൂഷിക്കുവാനാണ് മനുഷ്യപുത്രന് വന്നിരിക്കുന്നത് (മത്താ 20:28) എന്ന തിരുവചനത്തില് ഊന്നി തന്റെ ഈശോയിലും ഈശോയോട് കൂടിയും ദൈവത്തിനും എല്ലാവര്ക്കും പ്രത്യേകിച്ച് ദരിദ്രരായ സ്ത്രീകള്ക്കും കുട്ടികള്ക്കും എളിയശുശ്രൂഷകളിലൂടെ എല്ലാമായി തീരുക എന്നതാണ് സഭയുടെ കാരിസം. ‘സേവനത്തില് മഹത്വം ‘ എന്നതാണ് സന്യാസ സമൂഹത്തിന്റെ മുദ്രാവാക്യം. സിസ്റ്റേഴ്സ് ഓഫ് സെന്റ് മര്ത്താസ് സന്യാസിനി സമൂഹത്തിന്റെ തനിമയുടെ ഉറവിടം ബഥാനിയായിലെ വിശുദ്ധ മര്ത്ത ആണ്.
പ്രാര്ഥനയും പ്രയത്നവും സമഞ്ജസമായി സമ്മേളിപ്പിച്ചു കൊണ്ടുപോകുക, പ്രവര്ത്തനങ്ങള്ക്കിടയിലും ദൈവവുമായി നിരന്തരം സമ്പര്ക്കം പുലര്ത്തിക്കൊണ്ട് പ്രാര്ഥനാ ചൈതന്യം നിലനിര്ത്തുക, അധ്വാനപരമായ ലളിതജീവിതം നയിക്കുക, എപ്പോഴും എല്ലായിടത്തും ശുശ്രൂഷാമനോഭാവം പുലര്ത്തുക, എളിയശുശ്രൂഷകള് ചെയ്യുന്നതില് സന്തോഷം കണ്ടെത്തുക, പ്രാദേശികസഭയുടെ ശുശ്രൂഷയ്ക്ക് സം ലഭ്യരാകുക എന്നിവ സഭാംഗങ്ങള് ഏറ്റെടുത്തിരിക്കുന്ന സമര്പ്പണ ജീവിതത്തിന്റെ പൈതൃക ഘടകങ്ങളാണ്. സന്യാസ സമൂഹങ്ങള് ഏര്പ്പെട്ടിരിക്കുന്ന വ്യത്യസ്തമായ അപ്പസ്തോലിക പ്രവര്ത്തനമണ്ഡലങ്ങള് നഴ്സറി സ്കൂള്, ഡേ കെയര് സെന്ററുകള്, ടൈലറിംഗ് സെന്ററുകള്, ബാലമന്ദിരങ്ങള്, പെണ്കുട്ടികള്ക്കായുള്ള ഹോസ്റ്റലുകള്, ഡിസ്പെന്സറികള് ആതുരശുശ്രൂഷ, മുദ്രാലയപ്രേക്ഷിതത്വം , വിദ്യാഭ്യാസ പ്രേക്ഷിതത്വം , ഇവാഞ്ചലൈസേഷന്, കൗണ്സലിംഗ്, സ്ത്രീശാക്തികരണം, കുടുംബപ്രേക്ഷിതത്വം, സാമൂഹ്യക്ഷേമ പ്രവര്ത്തനങ്ങള് എന്നിവയാണ്.സിസ്റ്റേഴ്സ് ഓഫ് സെന്റ്. മര്ത്താസ് സന്യാസിനി സമൂഹം 1998 ഫെബ്രുവരി രണ്ടിന് രൂപതാ കോണ്ഗ്രിഗേഷനായും 2020 ഫെബ്രുവരി രണ്ടിന് മേജര് ആര്ക്കി എപ്പിസ്കോപ്പല് പദവിയിലേക്കും ഉയര്ത്തപ്പെട്ടു.
