മിഷൻ തീക്ഷ്ണതയാൽ ജ്വലിച്ച ബ്രദർ ജി. വിക്ടർ കളമ്പുകാട്ട് MMB

 മിഷൻ തീക്ഷ്ണതയാൽ ജ്വലിച്ച ബ്രദർ ജി. വിക്ടർ കളമ്പുകാട്ട് MMB

റവ. ബ്രദർ ജി. വിക്ടർ കളമ്പുകാട്ട്  [ആലക്കോട് കളമ്പുകാട്ട് പരേതരായ ജോസഫ് - ഏലിക്കുട്ടി മകൻ ജോർജ്ജ് (79)] 17-01-2022 തിങ്കൾ രാവിലെ 6.40ന് നിര്യാതനായി. ദിവ്യബലിമധ്യേ ഹൃദയാഘാതത്തെതുടർന്നാണ് ബ്രദർ ഈ ലോകത്തോട് വിട പറഞ്ഞത്. ഉത്തരേന്ത്യൻ മിഷൻ സുപ്പീരിയർ, റീജണൽ സുപ്പീരിയർ, പ്രൊവിൻഷ്യൽ സുപ്പീരിയർ, വികർ ജനറൽ, സുപ്പീരിയർ ജനറൽ എന്നിങ്ങനെ മൂന്നു പതിറ്റാണ്ടോളം നീണ്ട നേതൃത്വ ശുശ്രൂഷയിലൂടെ എം. എം. ബി. സമൂഹത്തിന് പുത്തൻ മുഖച്ഛായ പ്രദാനം ചെയ്ത സഹോദരനെയാണ് എം. എം. ബി. സഹോദരന്മാർക്ക് നഷ്ടമായിരിക്കുന്നത്. തന്റെ ജീവചരിത്രം സന്യാസ സമൂഹത്തിന്റെ ചരിത്രമാക്കി മാറ്റിയ അതുല്യപ്രതിഭ. നിയോഗിക്കപ്പെടുന്ന, ഏറ്റെടുക്കുന്ന കർമ്മ മണ്ഡലങ്ങളിൽ നൂറും അതിലും കൂടുതലും മേനി വിളവ് കൊയ്തെടുത്ത ചരിത്രമാണ് ബ്രദർ വിക്ടറിന്റെ സഹോദര സന്യാസ ജീവിതത്തിന്റേത്. 
കോതമംഗലം രൂപതയിൽ തൊടുപുഴയ്ക്കടുത്ത് ആലക്കോട് ഇടവകയിൽ ജോസഫ് - ഏലിക്കുട്ടി ദമ്പതികളുടെ മകനായി 1943 മെയ് 1ന് ജനിച്ച ജോർജ്ജ് ഹൈസ്കൂൾ വിദ്യാഭ്യാസത്തിനുശേഷം 1969 ്രെബഫുവരി 8ന് ങങആ സന്യാസസമൂഹത്തിൽ പ്രവേശിച്ചു. നോവിഷ്യറ്റ് പരിശീലനം കഴിഞ്ഞ് 1971 ഒക്ടോബർ 17ന് ബ്രദർ ജി. വിക്ടർ എന്ന പേരിൽ പ്രഥമവ്രതവാഗ്ദാനവും 1977 ഒക്ടോബർ 02ന് നിത്യവ്രതവാഗ്ദാനവും നടത്തി. പാലാരിവട്ടം പി. ഒ. സി. യിൽ ദൈവശാസ്ത്രപഠനം നടത്തിയശേഷം ബാംഗ്ലൂർ സെന്റ് ജോൺസ് മെഡിക്കൽ കോളേജിൽനിന്നും അത്യാവശ്യ മെഡിക്കൽ പരിജ്ഞാനം കരസ്ഥമാക്കി. കുരിയച്ചിറ സെന്റ് ജോസഫ്സ് മോഡൽ ഹൈസ്കൂളിൽ വാർഡനായാണ് ബ്രദർ തന്റെ സേവന ശുശ്രൂഷയ്ക്ക് തുടക്കം കുറിച്ചത്. തുടർന്ന് കോട്ടപ്പടിയിലെ സെന്റ് ലാസേഴ്സ് ഹോസ്പിറ്റലിൽ അദ്ദേഹം സേവനനിരതനായി. അന്ന് നിരവധി ആളുകളുടെ ശാരീരികവും മാനസികവുമായ പ്രശ്നങ്ങൾക്ക് പരിഹാരം കാണാൻ ബ്രദറിനായി. 
മലബാർ മിഷനറി ബ്രദേഴ്സ് സന്യാസ സമൂഹം തങ്ങളുടെ പ്രവർത്തന മേഖല വടക്കേ ഇന്ത്യയിലേയ്ക്ക് വ്യാപിപ്പിച്ചപ്പോൾ അതിന് തയ്യാറായി ഇറങ്ങിത്തിരിച്ച മിഷനറിമാരിൽ അഗ്രഗണ്യനായിരുന്നു ബ്രദർ വിക്ടർ. MMB യുടെ ആദ്യകാല മിഷനറിയായി വടക്കേ ഇന്ത്യയിലേക്ക് അയക്കപ്പെട്ട ബ്രദർ വടക്കേ ഇൻഡ്യയിലെ അജ്ഞാതമായ ഭാഷയും സംസ്കാരവും എല്ലാം സ്വായത്തമാക്കി, ഒരു മിഷനറി സഹോദരന് എന്തൊക്കെയാകാം, എങ്ങനെയൊക്കെ പ്രവർത്തിക്കാം എന്നതിന്റെ ഒരു നേർസാക്ഷ്യത്തിന്റെ സാഹോദര്യജീവിതചരിത്രം വെളിവാക്കുന്നു. സാഗർ രൂപതയിലെ ഗഞ്ച് ബസോദയിൽ ഗ്രാമോദ്ധാരണ പ്രവർത്തനങ്ങൾക്ക് മുന്നിട്ടിറങ്ങിയ അദ്ദേഹം അവിടെ അവിടെ ഡിസ്പെൻസറിയും വൃദ്ധഭവനവും തുടങ്ങുന്നതിന് മുൻകൈയെടുത്തു. തുടർന്ന് പന്നയിലേയ്ക്ക് പോയ ബഹു. ബ്രദർ രൂപതയുടെ നാമമാത്ര കുട്ടികൾ മാത്രമുണ്ടായിരുന്ന ഒരു ബോയ്സ് ഹോം 130 കുട്ടികൾ വരെയുള്ള സ്ഥാപനമാക്കി മാറ്റി. 
എം. എം. ബി.യുടെ വടക്കേ ഇൻഡ്യൻ മിഷൻ കേവലം രണ്ടു രൂപതകളിൽ മാത്രം ഒതുങ്ങിയിരുന്ന കാലഘട്ടത്തിൽ ഭോപ്പാൽ ഗ്യാസ് ട്രാജഡിയുടെ സമയത്ത് ബ്രദർ വിക്ടറിന്റെ നേതൃത്വത്തിൽ ദുരിതാശ്വാസ സേവന മേഖലകളിൽ കൈ, മെയ് മറന്ന്, രാപകലില്ലാതെ അത്യദ്ധ്വാനം ചെയ്തതിന്റെ ഫലമായി രൂപതാതലത്തിലും സഭാതലത്തിലും സാമൂഹ്യതലത്തിലും രാഷ്ട്രീയമേ