അഡ്വ. ജോസ് വിതയത്തിൽ ഫൌണ്ടേഷൻ രൂപീകരിക്കും: സിബിസിഐ ലെയ്റ്റി കൌൺസിൽ
admin 
കൊച്ചി: സഭയ്ക്കും സമുദായത്തിനും മാതൃകാപരമായ സേവനം ചെയ്ത സീറോമലബാര്‍ സഭയുടെയും കെസിബിസിയുടെയും അല്‍മായ കമ്മീഷനുകളുടെ മുൻ സെക്രട്ടറി അഡ്വ. ജോസ് വിതയത്തിലിന്‍റെ സ്മരണ നിലനിര്‍ത്താന്‍, അദ്ദേഹത്തിന്‍റെ പേരിൽ ഫൗണ്ടേഷനു രൂപം നല്‍കുമെന്നു കാത്തലിക് ബിഷപ്സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍.ഓള്‍ ഇന്ത്യ കാത്തലിക് യൂണിയന്‍ ദേശീയ കോ-ഓര്‍ഡിനേറ്റർ, സിബിസിഐ ലെയ്റ്റി കൗണ്‍സില്‍ നാഷണല്‍ കണ്‍സള്‍ട്ടേഷന്‍ അംഗം, കത്തോലിക്ക കോണ്‍ഗ്രസ് ജനറല്‍ സെക്രട്ടറി, എറണാകുളം- അങ്കമാലി അതിരൂപത പാസ്റ്ററല്‍ കൗണ്‍സില്‍ സെക്രട്ടറി തുടങ്ങി വിവിധ ചുമതലകൾ അഡ്വ. വിതയത്തിൽ നിർവഹിച്ചിട്ടുണ്ട്.
അഡ്വ. ജോസ് വിതയത്തിലിന്‍റെ സഭാ കാഴ്ചപ്പാടുകളും പ്രവര്‍ത്തന മേഖലകളും വരും തലമുറകള്‍ക്കു പങ്കുവയ്ക്കാനും സാമൂഹിക, സാമുദായിക തലങ്ങളില്‍ അദ്ദേഹത്തിന്‍റെ സ്മരണകളോടൊപ്പം സമാന ചിന്താഗതികളുള്ളവര്‍ക്ക് ഒത്തുചേരാനും ലക്ഷ്യം വച്ചാണു സഭയിലെ മെത്രാന്മാരും കുടുംബാംഗങ്ങളും സുഹൃത്തുക്കളും ചേര്‍ന്ന് അഡ്വ. ജോസ് വിതയത്തില്‍ ഫൗണ്ടേഷന്‍ രൂപീകരിക്കുന്നതെന്ന് ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ. വി.സി. സെബാസ്റ്റ്യന്‍പറഞ്ഞു.
സഭയുടെയും സമുദായത്തിന്‍റെയും സമൂഹത്തിന്‍റെയും നിരവധി വിഷയങ്ങളില്‍ ഉറച്ച നിലപാടുകളെടുത്ത അതുല്യ വ്യക്തിത്വമാണ് ജോസ് വിതയത്തിലെന്നും അദ്ദേഹം പറഞ്ഞു.
